mbylle
Skuadra “New Dimensions”
Kjo është skuadra “Dimensione të Reja” gjatë një konference në malet zvicerane.Prapa majtas: Daniel Reichert, Eva & Fred Ryter, Monika Reichert
Para: Olivia & Sofi Reichert
Përditësue s'fundi më E diel, 08 Nandor 2009 18:26
Projekte
Në këtë menu dëshirojmë të paraqesim disa nga projektet tona në mënyrë që të keni një ide sesi dëshirojmë të fillojmë atë që kemi për zemër.
Meqë “Dimensioni i Ri” është në hapat e para të saj, kemi disa projekte që po zhvillohen tashmë e disa të tjerë që janë në proces planifikimi.
Shërbesë ndërdenominacionale
Ne dëshirojmë të çojmë përpara unitetin midis besimtarëve në Shqipëri, jemi të angazhuar të shohim drejtuesit shqiptarë dhe besimtarët të mblidhen e të adhurojnë Jezusin.Ne kemi në plan të organizojmë rregullisht konferenca. Në fillim të vitit 2010 kemi planifikuar një konferencë adhurimi e ndërmjetësimi, me një folës të ftuar të përshtatshëm.
Shërbesa shoqërore
Para dy javësh Monika takoi një grua të moshuar e cila kishte 10 fëmijë dhe 18 nipër e mbesa, por asnjë prej tyre nuk jetonte në Memaliaj.
Pas këtij takimi, Monika vendosi të shkojë rregullisht për vizitë te njerëzit nëpër shtëpi për të filluar miqësira e kështu të mund të ndajë ungjillin. Ajo do ta bëjë këtë së bashku me Rakelën.
Ne kemi lidhje shumë të mira me një nga shërbesat në Gjirokastër; po planifikojmë një projekt së bashku me ta dhe kishën Nehemia: të hedhim dritë mbi çështjen e abortit; nëse biem në kontakt me gra shtatzëna që janë nën trysninë e abortit, atyre do t’u ofrohet akomodim, miqësi dhe këshillim deri në kohën e lindjes. Ne e quajmë këtë “projekti i shpëtimit” – shpëtimi i të palindurve dhe vënia në kontakt e nënave të tyre me Shpëtimtarin. Marsela është personi kyç në këtë projekt, dhe si “Dimension i Ri” në këtë projekt, ne duam të mbështesim e të këshillojmë atë dhe bashkëshortin e saj, Fatosin, miq të dashur tanët prej vitesh. Ky projekt nuk ka filluar ende por vizioni dhe mundësia janë; ne do t’i vlerësonim lutjet tuaja për urtësi në fillimin e këtij projekti, për të sjellë ndikim në shoqëri dhe shpëtim.
U.SH. i Fëmijëve
Pas suksesit të projektit pilot "Sh.U-ja." e Fëmijëve ( Ungjillizimi shpërthyes për fëmijë) në Gjirokastër, ky kurs po zhvillohet edhe në Memaliaj gjithashtu.Monika po planifikon të marrë pjesë në kursin trajnues në Freiburg, Gjermani, në shkurt në vitit 2010 me vizionin për të trajnuar bashkëpunëtorët shqiptarë që të shohin "SH.U-në." ë fëmijëve të shumëfishohet edhe në qytete të tjera të Shqipërisë.
