Përditësimi E diel, 01 Mars 2009 15:42

Perëndia siguron

Ne po planifikojmë të shpërngulemi në Memaliaj në prill, duke e filluar këtë shërbesë të re nga hiçi. Ja përse jemi kaq të inkurajuar nga çfarë kemi përjetuar këto dy javët e fundit:

• Një mikeshë e cila sapo ka ndërruar shtëpi na tha se mund të merrnim të gjitha pajisjet e kuzhinës së saj.
  
• Mami i një fëmije në kopshtin e Sofisë erdhi dhe i tha Monikës që gjyshi i fëmijëve të saj kishte vdekur dhe që ne mund t’i hidhnim një sy shtëpisë së tij e të merrnim ca nga mobiljet.
  
• Kishim marrë një e-mail nga baza e misionit tonë (AVC) në Zvicër: javës tjetër niset një kamion për në Shqipëri e na pyetën nëse kishim gjëra për t’i ngarkuar gjatë dy ditëve në vazhdim.
  

Gjithë kjo ndodhi vetëm brenda dy javësh. “Rastisi” që Fredi dhe Eva erdhën për vizitë pikërisht atë fundjavë, kështu që paketuam çdo gjë me babin, vëllain dhe miqtë nga kisha. Ky është kamioni i fundit që do të vijë nga Zvicra për Shqipëri dhe ne i ngarkuam gjërat tona brenda dy ditësh para se të ktheheshim në Shqipëri. Në foto jemi duke ngrënë mëngjes tamam para ditës që paketuam gjithë mobiljet (e cila përkoi me datëlindjen e Fredit).